Minerali i cili qetëson muskujt dhe nervat

Magnezi, është i nevojshëm për absorbimin e kalciumit dhe kaliumit, ndikon në imazhin hormonal, mbron qelizat nervore, parandalon dobësinë muskulore, të rrahurat e shpejta të zemrës dhe diarrenë, si dhe qetëson muskujt dhe nervat.

Njohuritë e sotme konfirmojnë rolin e dobishëm të magnezit tek të sëmurët nga sëmundjet e zemrës, tek ata me shtypje të lartë të gjakut, me arterosklerozë, diabet, tensionim nervash, nervozizëm, për parandalim të migrenës dhe dhimbjeve të kokës, është i dobishëm për shtatzëni dhe ushqim me gji, ndihmon kundër çrregullimeve të gjumit, të merremi me sport, në rast të kapsllëkut dhe urthit.

Me ushqim të përditshëm duhet të konsumojmë 375 mg magnez, sepse nuk krijohet në organizëm, ndërsa në ushqimet e sotme, për shkak të sasisë së madhe të sheqerit të përpunuar, bukës së bardhë, miellit të bardhë, alkoolit magnezi harxhohet edhe më shumë.

Mungesa e kalciumit mund të dallohet me ngërçe dhe dobësi të muskujve, me punë të çrregulluar të zemrës, me nervozizëm, dhimbje të kokës, migrenë dhe shtypje në kokë.
Mungesa e magnezit shkakton osteoporozën, gurët në veshka dhe forcim të arterieve, çorientim, humbje të oreksit, depresion, ngërçe të muskujve, rrahje të çrregullta të zemrës.
Personat me peshë ideale, më të rrezikshëm nga sëmundjet?
Gjeni i peshës ideale" lidhet me paraqitjen e sëmundjeve të zemrës dhe diabetit të tipit II.
Revista "Nature Genetics" ka publikuar sesi IRS1, gjeni i cili bën që personat të kenë peshë ideale, po ashtu lidhet edhe me paraqitjen e sëmundjeve të zemrës dhe diabetit të tipit II.

Sëmundjet e zemrës dhe diabeti i tipit II zakonisht mendohet se janë pasojë e mbipeshës, shtojnë shkencëtarët britanikë nga "Medical Research Council".
Por, sipas rezultateve të studimit më të ri, gjeni IRS1 çon deri te zvogëlimi i indit dhjamor nënlëkuror, por nuk ka ndikim te indi më i rrezikshëm dhjamor që gjendet rreth organeve, sikur që janë zemra dhe mëlçia.

Rezultatet e mbledhura nga rreth 76.000 pjesëmarrës në studim, sugjerojnë sesi lidhshmëria e këtij gjeni me paraqitjen e sëmundjeve të zemrës dhe diabetit të tipit II, është më e shprehur te meshkujt, sesa te femrat.
Kërkuesit shkencorë shtojnë sesi të dhënat e reja mund të shpjegojnë pse rreth 20% të rasteve me diabet të tipit II paraqiten edhe te personat me peshë ideale trupore.
(GSH/balkanWeb)