Picë me djathë dhe domate

Picë me djathë dhe domate


Përbërësit:

* 1 lugë gjelle me vaj ulliri
* 1 kokërr qepë e vogël e prerë hollë
* 1 thelb hudhre i shtypur
* 300 ml salcë domatesh
* 1 lugë gjelle me pure domatesh
* 1 lugë çaji borzilok i tharë
* gjysmë luge gjelle sheqer
* pak kripë dhe piper i zi
* 125 g djathë ‘mozzarella’ i prerë në feta

Përgatitja:

Në një tigan hidhni vaj ulliri. Skuqni qepën dhe hudhrën në të për pesë minuta, derisa qepa të bëhet e tejdukshme.

Shtoni salcë n dhe purenë e domateve, borzilokun, sheqerin, kripën dhe piperin.

Lëreni salcën në nxehtësi edhe për 5-10 minuta, ose derisa ajo të trashet pak.

Përhapeni salcën mbi bazën e picës.

Shtoni sipër djathin.

Vendoseni të piqet në furrë në temperaturën 230 ºC për 15-20 minuta, derisa djathi të nxjerrë flluska dhe të marrë ngjyrë floriri të errët.

Si te bejme nje pice me brume shtepie?

Për 8 persona nevojiten:

Për brumin

* 1/2 kg. miell,
* 30 gr. tharmë birre,
* 1 vezë,
* 2 lugë gjelle vaj ulliri,
* 1 lugë gjelle qumësht,
* 1 lugë ëmbëlsire sheqer,
* 1/2 lugë ëmbëlsire kripë.

Për mbushjen

* 350 gr. djathë kaçkavall (i butë që shkrin lehtë), i grirë trashë,
* ½ filxhan çaji salcë domateje,
* 1 spec jeshil i prerë në forma rrethore,
* 8-10 sallam i prerë në forma rrethore,
* ullinj të prerë në forma rrethore.

Përgatitja:

Në një enë të madhe përzieni miellin, sheqerin dhe kripën. Në gropëzën që do të hapni në mes, në qendër të masës, hidhni qumësh¬tin, vezën, 1 lugë gjelle vaj ulliri si dhe tharmin e birrës, të shkrirë me parë në ujë të vakët. Përzieni me kujdes materialet që hodhët në gropëzën në mes të miellit derisa të krijohet një masë brumi e fortë (Fig. 2) dhe më pas e lini për 15 minuta që të “shlodhet”, duke e mbuluar me pecetë.

Pasi të kenë kaluar 15 minuta e punoni përsëri masën e brumit dhe krijoni me të dy petë. Në vazhdim i shtroni ato në dy tepsi, të lyeja me pjesën e mbetur të vajit të ullirit. Në çdonjërën nga petët shtroni salcë domateje, djathërat kaçkavall dhe sallamin. I zbukuroni me rrathët prej speci dhe ullinjtë. I vini të piqen në temperaturë 200 gradë celsius për 35-40 minuta.