DAVUTOLLU: KULTURA ISLAME DUHET MBROJTUR NGA TE GJITHE NE

Ministri i Punëve të Jashtme të Turqisë Ahmet Davutollu është takuar në Stamboll me përfaqësues irakianë shii dhe syni të cilët erdhën në Turqi me ftesë të Kryetarit të Entit të Çështjeve Fetare Mehmet Gërmez.
Davutollu tha se ata kanë rënë në ujdi për mbajtjen e një qëndrimi të përbashkët kundër tensionimeve ndërsektare që disa po mundohen të krijojnë këto kohët e fundit në Lindje të Mesme.
Davutollu i cili përsëriti edhe njëherë se konflikteve në Siri u duhet dhënë fund sa më parë, bëri thirrje për mbrojtjen e të gjitha objekteve të shenjta.
Ministri i Jashtëm turk theksoi se mbi të gjitha ai ndihet i gëzuar për tregimin e një vullneti të përbashkët kundër çdo lloj tensionimi me cilësi fetare dhe sektare në Lindje të Mesme dhe shtoi: "Jetesa në paqe e vëllezërve tanë shii dhe syni në Irak, është politika jonë themelore".
Davutollu tha se "Turqia do të ndërmarrë çdo lloj iniciative dhe do të tregojë çdo lloj përpjekjeje për mbrojtjen e trashëgimisë sonë kulturore në mbarë botën, në Irak dhe Siri e sidomos në Sirinë e ditëve të sotme".
Edhe Kryetari i Entit të Çështjeve Fetare, Mehmet Gërmez, tha se mbrojtja e objekteve të shenjta, trashëgimi të përbashkëta të Islamit, është detyra e të gjithëve.