RRIPI I GAZËS - NUMRI I PALESTINEZËVE TË VRARË ARRIN NË 110 VETË

Sulmet e Izraelit ndaj Rripit të Gazës vijuan përgjatë gjithë natës, ndërsa opinioni publik ndërkombëtar po përpiqet për arritjen e armëpushimit. Vetëm natën e fundit ushtria izraelite organizoi rreth 100 sulmet ajrore në Gazë.
Numri i të vdekurve në operacionet, që Izraeli filloi të ndërmarrë më 14 nëntor kundër Rripit të Gazës, ka arritur në të paktën 110 vetë.

Gjatë këtyre 7 ditëve kanë vijuar edhe hedhjet e raketave nga Gaza në drejtim të Izraelit, por pa shkaktuar vdekje ose plagosje.

Në orët e vona të natës së kaluar 9 ministra të kabinetit qeverisës në Tel-Aviv u mblodhën për të shqyrtuar propozimin e Egjiptit për armëpushim.

Pas takimit nuk u bë ndonjë deklaratë lidhur me vendimet e marra nga ministrat.

E ndërsa vazhdojnë bisedimet për arritjen e armëpushimit, nga Izraeli mbërriti informacioni se është pezulluar operacioni i mundshëm tokësor.

Ministri i Punëve të Jashtme të Turqisë, Ahmet Davutollu dhe kryediplomatë të vendeve arabe vizitojnë sot Rripin e Gazës.

Kurse sekretari i përgjithshëm i Organizatës së Kombeve të Bashkuara, Ban Ki-Mun, po realizon kontakte në Kajro.

Me anë të një komunikate nga kryeqyteti egjiptian, Ban Ki-Mun i kërkoi Tel-Avivit t'i shmanget operacionet tokësor dhe riapeloi për armëpushim.

Në rajon do të shkojë edhe sekretarja amerikane e Shtetit, Hillari Klinton, e cila do të ketë takime me Kryeministrin e Izraelit, Beniamin Netanjahu, autoritete palestineze në Bregun Perëndimor dhe qeveritarë egjiptianë. Megjithatë ajo nuk do të realizojë kontakte me Hamasin.

Ndërkaq, përpara vizitës së Klintonit në rajon, erdhi lajmi për një sulm kundër Ambasadës së Shteteve të Bashkuara të Amerikës në Tel-Aviv. Në sulm një person plagosi me thikë një rojë të ambasadës, kurse punonjësit e tjerë të sigurisë hapën zjarr paralajmërues në ajër. Burime nën mbrojtjen e anonimatit theksojnë se agresori është shtetas izraelit, por pa dhënë detaje të tjera mbi ngjarjen dhe motivin.

/trt/