Nje delegacion nga Emiratet e Bashkuara Arabe viziton KMSH-ne

nga **Forum Kulturor** Mon Nov 26, 2012 2:57 pm

Një delegacion qeveritar nga Emiratet e Bashkuara Arabe vizituan sot (26.11.2012) Komunitetin Mysliman të Shqipërisë. Delegacioni nga Departamenti i Çështjeve Fetare të Emirateve, kryesohej nga nga Dr. Omer Hatibi, shoqëruar nga Muhamed Muhairi dhe Abdullah Abdulxhebari.

Ata u pritën nga Kryetari i KMSH-së Haxhi Selim Muça, nënkryetari Gazmend Aga, Kancelari Ali Zaimi si dhe Myftiu i Tiranës Ylli Gurra.

Në këtë takim, kreu i Komunitetit Mysliman Haxhi Selim Muça, i njohu miqtë nga Emiratet me aktivitetin e institucionit që ai drejton, me gjendjen e myslimanëve shqiptar, arsimit islam si dhe me situatën e xhamive të vendit.

Ndërkohë, kreu i delegacionit arab Dr. Omer Hatibi, falënderoi kreun Muça për mikpritjen dhe e përgëzoi për aktivitetin fetar në vend dhe për drejtimin e institucionit të KMSH-së. Gjithashtu, në emër të qeverisë së Emirateve të Bashkuara, ai shprehu gatishmërinë për të bashkëpunuar dhe ndihmuar Komunitetin Mysliman të Shqipërisë si dhe myslimanët shqiptar në çështjet fetare.

Delegacioni arab ndodhet në Shqipëri për t’u njohur nga afër me aktivitetin fetar në vend, programet, qendrat kulturore e xhamitë, në mënyrë për të bashkëpunuar dhe për të lidhur marrëveshje mes dy vendeve në fusha të ndryshme.

26-11-2012

/Drita Islame/