Muslimanja dhe rejat e saj

Raporti i saj me nusen

Ajo muslimane, e cila i kupton mësimet e fesë së saj dhe e cila ka një karakter të lartë, sillet me renë e saj sikur ta ketë bijë të veten. Fati e ka bërë që kjo grua të bëhet bashkëshorte e djalit të saj dhe i ka bashkuar në një familje, kështu që ajo është bërë anëtare e familjes.
Po ashtu, kur një muslimane e re, e edukuar në bazë të vlerave dhe rregullave islame, e lëshon shtëpinë e prindërve, shkon te bashkëshorti i saj dhe fillon jetë të re martesore, ajo sillet me vjehrrën e saj, sikur ta ketë nënë.

Ajo di që të zgjedhë re të mirë

Përpara se të vijë deri te martesa, është shumë mirë që të dyja palët (vjehrra, mikesha-nëna e vajzës dhe nusja potenciale) të jenë shumë të kujdesshme me qëllim që të kenë një jetë të mirë. Kur kërkohet partner bashkëshortor për djalin ose vajzën, nëna duhet ta analizojë karakterin dhe besimin e çdo kandidati dhe të pyesë a është i/e edukuar mirë dhe a ka famë të mirë.
Kur një muslimane e mençur kërkon nuse për djalin e saj, atëherë gjithnjë e ka në mendje faktin se ajo do të jetë vajzë e tyre, e cila do t'i bashkohet familjes së tyre dhe e cila duhet të gëzojë të njëjtin rrespekt sikur vajzat e tyre.
Ajo duhet t'i dëshirojë nuses së saj vetëm sukses, lumturi dhe stabilitet në martesë. Prandaj një nënë të mençur nuk do ta tërheqë vetëm bukuria fizike e saj.
Ajo para se gjithash do të kërkojë nga reja e saj e ardhshme të jetë e fortë në besimin e saj në Islam si dhe të ketë karakterë të mirë dhe të balancuar. Kjo është në pajtueshmëri me mësimet e Pejgamberit, salallahu alejhi ue selem:

''Një grua mund ta martoni për katër gjëra: për pasurinë e saj, prejardhjen e saj, bukurinë e saj dhe imanin e saj. Merre atë që ka iman dhe do të kesh sukses.''2

Autor: Dr.Muhammed Ali El-Hashimi.
Marrë nga libri: ''Muslimanja ideale.''