Myftiu Tërnava takoi kryetarin e DIJANET-it Prof. Dr. Mehmet Görmez

nga **Muslimanja** Sun Dec 30, 2012 10:27 pm

Myftiu i Kosovës, Mr. Naim Tërnava, i shoqëruar nga bashkëpunëtorët, me ftesë të DIYANET-it po qëndron për vizitë në Turqi, ku u prit nga kryetari i DIYANET-it, Prof. Dr. Mehmet Görmez, i cili shoqërohej nga tre zëvendësit e tij.
Myftiu Tërnava falënderoj nikoqirin, Prof. Dr. Mehmet Görmez, për pritjen e ngrohtë dhe vëllazërore. Myftiu i njohu nikoqiret për të arriturat e Kosovës në përgjithësi e të Bashkësisë Islame të Kosovës në veçanti.

"Turqia është një vend mik për ne, vend shumë i afërt dhe sa here që vizitojmë Turqinë ne asnjëherë nuk e konsiderojmë veten të huaj, ngase këtu jeton një pjesë e madhe e bashkëkombësve tanë. Ne kemi histori të përbashkët mbi 5 shekullore"- tha, përveç të tjerash, Myftiu Naim Tërnava.
Ndërsa, kryetari i DIYANET-it, Prof. Dr. Mehmet Görmez, tha: "Juve asnjëherë nuk ju konsiderojmë si të huaj, por si vëllezër e miq tanë me të cilët na lidh e kaluara. Zemrat tona dhe shtëpitë tona gjithmonë janë, dhe do të jenë, të hapura për ju dhe kemi gatishmërinë që të ndihmojmë ju dhe shtetit tuaj në të gjitha fushat." Më pas, për nderë të Myftiut Tërnava dhe delegacionit nga Kosova, kryetari i DIYANET-it shtroi drekë solemne.
/bik/