SIRI - AFAD: RRETH 2 500 FËMIJË TË REFUGJATËVE KANË LINDUR NË TURQI

Rreth 2 500 foshnja, fëmijë të refugjatëve sirianë që ndodhen në Turqi që prej fillimit të krizës, kanë lindur në territor turk, deklaroi dje Zyra e Emergjencave dhe Katastrofave pranë qeverisë turke, AFAD, në Ankara.

Refugjatët e regjistruar zyrtarisht në Turqi aktualisht arrijnë në 180 mijë dhe janë strehuar në 15 kampet e pritjes së vendosura në zonat përgjatë kufirit.

Shumë prej foshnjave të lindur nga refugjatët sirianë në Turqi u janë vënë emrat e kryeministrit, Rexhep Tajip Erdoan dhe bashkëshortes së tij, Emine në shenjë falënderimi për vendin që i ka mirëpritur.

Pjesa më madhe e refugjatëve të strehuar në Turqi vijnë nga rajonet rurale sunite të Halepit dhe Idlibit.
/trt/