Më në fund shkencëtarët zbulojnë pse flemë

Që në fillimet e tij, njeriu e ka pasur të nevojshëm gjumin për t’u relaksuar e për t’u përgatitur për një ditë të re, me energji të reja.

Por një studim i fundit i ekspertëve amerikanë tregon se veç trupit, është truri ai që e ka të domosdoshme fjetjen. Sipas kërkimeve, trurit i nevojitet gjumi për t’u vetëpastruar. Përmes të fjeturit bëhet e mundur pastrimi i tij nga mbeturinat toksike që grumbullohen gjatë një dite të lodhshme, me intensitet të lartë mendimesh.

Për këtë, shkencëtarët amerikanë mendojnë se një nga misionet thelbësore të të fjeturit është heqja e mbeturinave nga sistemi. Studimi i publikuar në “Gazetën e Shkencës” dëshmon se si qelizat e trurit, tkurren gjatë të fjeturit, për të krijuar hapësira mes neuroneve, në mënyrë që të depërtojë një lëndë e lëngshme, e cila pastron trurin. Sipas studimit, dështimi në këtë proces, qoftë edhe duke lënë pa pastruar, mund të ndikojë në çrregullimet e trurit.