Cfare ka në Xhennet për gratë

Unë jam një besimtare e fortë në Kur'an dhe Allahun. E falënderoj Allahun se besimi im dhe besueshmëria në Të rritet çdo ditë. Shqetësimi im është ky: Kur'ani i përmend dhe i përsërit bekimet e xhenetit. Ai vazhdimisht i përmend, vashat (hyrit) e bukura dhe të pastërta si një begati e xhenetit. Njerëzit shpesh thonë se Islami është një fe e dominuar nga mashkulli.

Pse nuk ka përmendje të shpërblimit për gratë?

Falënderimi i qoftë All-llahut

Pasi që ju besoni në Allahun dhe Librin e Tij, ju duhet ta dini se ("e Zoti yt nuk i bën padrejtë askujt.") Sure Kehf, 49.

("S'ka dyshim se All-llahu nuk bën pa drejtë as sa grimca, e nëse ajo vepër është e mirë, Ai e shumëfishon atë dhe Vetë Ai i jep shpërblim të madh. ") Sure an-Nisa, 40.

All-llahu e ka për qëllim këtë ligj të Islamit (Sheriatin) për të dy burrat dhe gratë. Të gjitha adresimet në Kuran ndaj burrave i adresohen edhe grave, dhe të gjitha rregullat që kanë efekt në burrat kanë ndikim vetëm nëse është vërtetuar se është për njërin prej tyre dhe jo për tjetrin si në rregullat që kanë të bëjnë me Xhihad (luftën për Islam), menstruacione, kujdestari, sundim etj.

Dëshmi se gratë janë të përfshira në ajete të Kuranit të gjinisë mashkullore është një hadith nga 'Aishah e cila tha se Pejgamberi (Paqja dhe mëshira e Allahut qofshin mbi të) është pyetur në lidhje me një njeri i cili sheh gjurmë të spermës, por nuk mban në mend të ketë parë ëndërr të natyrës seksuale. Profeti (Paqja dhe bekimi qofshin mbi të) tha: ".. Një person i tillë duhet të marrë Gusul (pastrim i plotë). Ai gjithashtu u pyet nga një njeri që e kujton një ëndërr të natyrës seksuale, por nuk sheh gjurmë të spermës. Ai tha: "Njeriu i tillë nuk ka nevojë të marrë Gusul (pastrim i plotë). Ummu Salim tha: "Një grua mund të ketë përjetim të njëjtë. A duhet që ajo të marrë Gusul (pastrim i plotë)? "Profeti (paqja dhe bekimi qofshin mbi të) tha: "Po, nuk ka dallim në këtë mes burrit dhe gruas." Transmetuar nga Ebu Davudi, At-Tirmidhiu 113 dhe të tjerët. Fraza e fundit është në Sahih el-Xhami 'nën nr 2333.

Në lidhje me shpërblimin në botën tjetër dhe çfarë kanë gratë në xhenet, ne do ti përfshijmë një numër të ajeteve dhe haditheve si vijon:

Um Seleme ka thënë: "O i Dërguari i All-llahut, unë nuk dëgjoj ndonjë ajet në Kur'an në lidhje me hixhretin e grave (migrimin me Pejgamberin).". Pastaj u shpall ajeti: ("Zoti i tyre iu përgjigj lutjes së tyre (e tha): Unë nuk ia humb mundin asnjërit prej jush, mashkull qoftë apo femër. Ju jeni njëri nga tjetri por ata që u dëbuan prej shtëpive të tyre dhe emigruan, u munduan vetëm pse ishin në rrugën Time, luftuan dhe u vranë, atyre patjetër do t'ua shlyej mëkatet e tyre dhe do t'i vejë në xhennete në të cilët burojnë lumenj. Ai është shpërblim nga ana e All-llahut, se më i miri i shpërblimeve është tek All-llahu. ") Sure el-'Imran, 195. Hadithi është transmetuar nga et-Tirmidhiu nën nr 3023.

Ibn Kethiri (Allahu e mëshiroftë) ka thënë: Ajeti ("fastaxhaba lahum rabbuhum") do të thotë All-llahu iu përgjigj pyetjeve të tyre ... dhe ajeti ("amilin 'amala' Anni la udi'u minkum min dhekerin eu untha") është një shpjegim i kuptimit të përgjigjes se veprat e mira nuk do të ju humben ose të injorohen. Të gjithë burrat dhe gratë do të kenë shpërblim të drejtë për veprat e tyre. Ajeti ("ba'dukum min ba'd") do të thotë që ju do të trajtoheni në mënyrë të barabartë në lidhje me shpërblimet.

(Kush bën ndonjë nga punët e mira, qoftë mashkull ose femër duke qenë besimtarë, të tillët hyjnë në xhennet dhe nuk u bëhet farë padrejtësie.) Sure an-Nisa, 124.

Në shpjegimin e këtij ajeti, Ibn Kethiri (Allahu e mëshiroftë) ka thënë ajeti tregon për, mirësinë, bujarin dhe mëshirën e Allahut në pranimin e veprave të mira të gjithë njerëzve, për burra dhe gra, me kusht që ata të besojnë, për lejimin e hyrjes së tyre në xhenet dhe për mos uljen e shpërblimeve për veprat e tyre të mira derisa aspak.

(Kush bën vepër të mirë, qoftë mashkull ose femër, e duke qenë besimtar, Ne do t'i japim atij një jetë të mirë (në këtë botë), e (në botën tjetër) do t'u japim shpërblimin më të mirë për veprat e tyre.) Sure –Nahl, 97.

Ibn Kethiri (Allahu e mëshiroftë) ka thënë ky është një premtim nga Allahu i Lartësuar, për ata që bëjnë vepra të mira d.m.th. veprat e pranueshme tek Allahu në të cilat një musliman i ndjek rregullat e përcaktuara në Librin e Allahut të Lartësuar, dhe Sunnetin e Pejgamberit të Tij (paqja dhe bekimi qofshin mbi të), qofshin burra apo gra, nëse ata besojnë në All-llahun dhe të Dërguarin e Tij (paqja dhe bekimi qofshin mbi të), se Ai do t'i bëjë ata të jetojnë një jetë të mirë në këtë botë dhe do të shpërblehen në botën tjetër. Një jetë e mirë do të përfshijë të gjitha llojet e rehatisë.

(Kush bën ndonjë vepër të keqe, ndëshkohet vetëm për aq sa është ajo, e kush bën ndonjë vepër të mirë, qoftë mashkull a femër, por duke qenë besimtar, të tillët hyjnë në xhennet dhe aty shpërblehen pa masë.) Sure El-Mumin, 40.

Së fundi, motër e dashur, këtu është një hadith që do ta largojë çdo dyshim që mund të keni në lidhje me të përmendurit e grave:

Um 'Umarah el-Ansarijeh tha se ajo shkoi te Profeti (Paqja dhe mëshira e Allahut qofshin mbi të) dhe i tha atij:.. "Unë mendojnë se çdo gjë është për burrat. Gratë nuk janë përmendur se kanë ndonjë gjë. Pastaj u shpall ajeti: (Për burrat dhe gratë muslimane, për të besuar burrave dhe grave etj), Sure Ahzab, 35. Hadithi është transmetuar nga et-Tirmidhiu nën nr 3211, dhe është në Sahih et-Tirmidhiu nën Nr 2565.

Në mbledhjen e haditheve të Imam Ahmedit është transmetuar hadithin që Um Seleme (Allahu qoftë i kënaqur me të) ka thënë: "Unë thashë: "O i Dërguari i All-llahut (paqja dhe bekimi qofshin mbi të). Pse ne nuk përmendemi në Kuran në mënyrë të barabartë me meshkujt? "Pastaj, unë isha e befasuar kur dëgjova se ai një ditë thërriste nga minberi: "O njerëz. "Ndërsa unë isha duke i krehur flokët e mija në atë moment, unë u mbështolla dhe shkova afër derës dhe qëndroja atje duke e dëgjuar atë duke thënë: "All-llahu, i Fuqishëm dhe i Lartëmadhërueshëm qoftë Ai shpalli se: (Nuk ka dyshim se për muslimanët e muslimanet, besimtarët e besimtaret, adhuruesit e adhurueset, të sinqertit e të sinqertat, durimtarët e durimtaret, të përvuajturit e të përvuajturat, sadakadhënësit e sadakadhënëset, agjëruesit e agjërueset, ruajtësit e nderit e ruajtëset e nderit, shumëpërmendësit e All-llahut e shumëpërmendëset e All-llahut, All-llahu ka përgatitur falje (mëkatesh) dhe shpërblim të madh.) Sure Ahzab,35.

Ne e lusim Allahun që të na jap të gjitha aftësitë për të treguar sinqeritet në fjalë dhe vepra si dhe të vazhdojmë si muslimanë me vullnet të themeluar.

All-llahu e bekoftë Profetin Muhamed.

Islami Q & A

Shejh Muhammed Salih el-Munexhid