Në ditën e dytë të një udhëtimi në Turqi që i dedikohet dialogut mes besimeve Papa Françesku zhilloi një vizitë në Xhaminë Blu.

Në krahë të myftiut që falej, papa për dy minuta zhvilloi një meditim, me sytë e mbyllur, me duart e bashkuara.

Papa Françesku viziton sot të famshmen Xhami Blu të Stambollit, në ditën e dytë të një udhëtimi në Turqi që i dedikohet dialogut mes besimeve.
Në krahë të myftiut që falej, papa për dy minuta zhvilloi një meditim, me sytë e mbyllur, me duart e bashkuara, sikurse kishte bërë simbolikisht tetë vite më para paraardhësi i tij, Benedikti XVI në të njëjtin vend.
Pasi mbërriti me një makinë modeste, papa Françesku, 77 vjeç, u prit nga myftiu i madh i Stambollit, Rahmi Yaran, i cili e shëtiti në godinën gjigante, të ndërtuar në fillim të shekullit 17-të nën mbretërinë e Sulltanit Ahmeti I, që drejtonte në atë kohë Perandorinë Otomane.
Dy krerët qëndruan për një kohë të gjatë para “mihrab”-it, që tregon drejtimin e Mekës, ku ekspozohet sura e 19 e Kuranit që përmend konceptin e virgjërisë së Marisë.
Gjatë vizitës së tij në vitin 2006, gjesti i Benediktit të 16-të në Xhaminë Blu u mor si një lutje, por Vatikani më pas e cilësoi si një meditim. Selia e Shenjtë paralajmëroi se pasardhësi i tij, Françesku, do të zhvillojë të njëjtin ritual.
Në përfundim të vizitës së tij në xhami, papa përshkoi më pas me makinë sheshin e madh të lagjes së Sulltanahmetit që të dërgon në bazilikën e Shën Sofisë, një kishë bizantine e ndërtuar në shekullin e 6-të, të shndërruar në xhami pas marrjes të Konstandinopojës nga Perandoria Otomane në vitin 1453 dhe të trensformuar në muze në vitin 1934.