Tregimi për djaloshin e verbër

nga **Era** Sat Dec 26, 2015 11:36 am

Një djalosh i verbër qëndronte ulur në shkallët e një ndërtese me një kapelë afër këmbeve të tij. Me vete kishte një letër ku shkruante: “Jam i verbër, kërkoj ndihmën tuaj.” Në kapelë kishte vetëm disa monedha…

Një njeri që kalonte në atë rrugë e pa djaloshin. Nxori nga xhepi disa monedha dhe i lëshoi në kapelë. Më pas morri letrën e djaloshit dhe nga ana e kundërt shkroi diçka dhe i dha përsëri djaloshit. Kush kalonte i shihte fjalët e shkruara nga kalimtari.

Shumë shpejt filloi të mbushet. Shumë njerëz ndanin para për djaloshin e verbër. Atë pasdreke njeriu që ndryshoi letrën e djaloshit erdhi përsëri të shoh si janë punët. Djaloshi i njohu hapat e njeriut dhe e pyeti:

– “A je ti ai që ndryshove fjalët në letrën time në mëngjes? Çka shkrove?”

– Njeriu tha: vetëm e shkrova të vërtetën. Shkrova atë që e kishe shkruar edhe ti vetëm në një mënyrë tjetër.”

– Shkrova: “Sot është një ditë e bukur, por unë nuk mund të shoh.”

Mendoni se edhe shkrimi i parë edhe i dyti flasin të njëjtën gjë?

Gjithsesi, të dy shkrimet u thanë njerëzve se djaloshi është i verbër. Megjithatë, shkrimi i parë thjeshtë tregonte se djaloshi është i verbër, ndërsa shkrimi i dytë u thoshte njerëzve se janë të lumtur për atë se nuk janë të verbër. A duhet të habitemi se pse shkrimi i dytë ishte më efektiv?

Zoti ynë na dhuroi të pamurit dhe të dëgjuarit, ndërsa ne shumë pak e falënderojmë.

/Islampress/