Ja ç`shkruajnë të huajt për Besa Ismailin, shqiptaren nga Kosova që promovon paqen (video)

Një grua myslimane nga Kosova është nderuar me titullin e “Ambasadore e Paqes” dhe ka marrë pjesë në një takim të organizuar nga presidenti Barack Obama për dialogun ndërfetar.

Ajo është Besa Ismaili, së cilës më 21 Nëntor 2015, Federata Universale e Paqes i dorëzoi titullin “Ambasadore e Paqes” për kontributin e saj mbi dialogun ndërfetar.

Për disa dekada, Besa Ismaili ka qenë një drejtuese aktiviste, kërkuese mbrojtjëse dhe trajnuese në shoqëri, kryesisht për çështjet e të drejtave të grave myslimane.

Besa Ismaili është zv.dekane e Fakultetit të Shkencave Islame të Prishtinës në Kosovë.

Ajo ka luajtur një rol të madh për ngritjen e departamentit për të drejtat e grave në Bashkësinë Islame të Kosovës.

Për më shumë se një dekadë, Besa Ismaili ka qenë e përfshirë në çështjet e dialogut ndërfetar.

Verën e shkuar ajo sakrifikoi duke qëndruar 3 javë larg fëmijëve, përfshirë vajzën e sapolindur, dhe mori pjesë në LLSP 2015 ku theksoi se çdo sekondë ishte e shtrenjtë për të.

“Këto kanë qenë kohë kur kemi punuar shumë në komunitet dhe në një ambient të izoluar siç është Kosova, dhe është vështirë të ecësh përpara në çështjet e dialogut ndërfetar. Gjatë kësaj kohe humba kreativitetin dhe nisa të mendoj për zgjidhjet. Dhe gjatë kohës që qëndroja në komunitet shpesh jam ndjerë e vetme si drejtuese.”

Kur Besa mbërriti në Kamarah, ajo ishte mjaft e përqëndruar në sfidat specifike që paraqiteshin në vendin e saj.

Por pas diskutimeve me drejtuesit e tjerë në Kamarah, ajo mësoi gjithçka për drejtimin në një rrugë apo në një tjetër, duke ecur përpara edhe pse ka dilema dhe probleme. Ajo erdhi për të realizuar atë që e quajti: “hapësirën që ne duhet të krijojmë për veten tonë dhe t’i japim njëri tjetrit fuqinë për të vepruar.

Besa i kupton esperiencat e grave nga vende që kanë pasur trashëgimi komuniste si ato të Ballkanit, Taxhikistani ose Uzbekistani, por ajo që ishte me interes për të ishte mësimi i përvojave të myslimanëve amerikanë.

“Unë jam dashur që të shikoj disa herë si mund të përdorin rrugët që na jep Islami për të zgjidhur situata kur përballemi me intolerancë në një grupim apo shoqëri pluraliste. Në Karamah, unë zhvillova edhe më tej nivelin e tolerancës duke përdorur sa më shumë praktika islame dhe prespektiva”.

Ajo që Besa e konsideron të rëndësishme në programin për Ligjin dhe Lidershipin është biseda me gratë myslimane amerikane që punojnë në Shtëpinë e Bardhë, si dhe takimi me Dr. Azizah al-Hibri.

Kur Besa takoi gratë amerikanë që kishin pozicione kyçe në qeverinë e SHBA ajo u inspirua për të përfshirë më shumë gratë në diskutimet publike.

Pasi u diplomua në LLSP, Besa pati mundësinë të marrë pjesë në Samitin që zhvilloi Presidenti Obama mbi dialogun ndërfetar. Ajo prezantoi dy tema mbi: “Ndërtimi i paqes ndërfetare ndërmjet grave” dhe “Agjencia e grave për Dialogun Ndërfetar në Kosovë dhe e ardhmja e tij”, takim që u mbajt në Universitetin Haward në Uashington DC.