Amerika paralajmëron Kinën

Këshilltari i sekretarit të DASH paralajmëroi Kinën mbi pasojat e bashkëpunimit ushtarak me Korenë e Veriut.
Agjensia e lajmeve Jonhap njoftoi se Thomas Countryman, këshilltar i John Kerryt, i kërkoi Kinës të ndalë transferimin e teknologjisë raketore në Korenë Veriore dhe shtoi se Uashingtoni disa herë e ka paralajmëruar Pekinin mbi këtë çështje. Ai shtoi se Koreja e Veriut po bën përpjekje të mëdha për blerjen e teknologjive raketore e bërthamore, prandaj Amerika i kërkon Kinës të jetë e kujdesshme në bashkëpunimin ushtarak me Penianin. Ndërkohë, nënsekretari i DASH Tony Blinken gjatë takimit në Seul me ministrin e jashtëm të Koresë së Jugut, i kërkoi Pekinit të ushtrojë ndikimin e tij tek Peniani për ta bindur Korenë e Veriut të heqë dorë nga programet e zhvillimit të armëve atomike. Testimi më 6 Janar i bombës me hidrogjen nga Koreja Veriore ka shkaktuar shqetësime serioze mbi gjendjen e sigurisë në gadishullin Korean./irib