Konsumoi 6 muaj alkol, 3 vjeçari përfundon në trajtim mjekësor

Një fëmijë tre vjeçar raportohet si më i vogli në Britaninë e Madhe që ka hyrë në një trajtim kundër alkolit. Fëmija është mjekuar në spital pasi u konstatua se atij i ishte dhënë alkol rregullisht për një periudhë gjashtë mujore. Fëmija nga West Midlands është një prej 13 fëmijëve që janë konstatuar me probleme me alkolin në intervalin kohor 2008-2010. Në të njëjtën periudhë raportohen të jenë trajtuar edhe 106 adoleshentë nga moshat 13-16 vjeç. Zëdhënësi i qendrës së trajtimit nga alkoli, Nicolay Sorensen thotë se “që të diagnostikohet alkolik, ka mundësi që fëmija të ketë patur një varësi fizike fillimisht. Më pas simptomat janë shtuar”.