Shikimi i gjatë i televizionit mund të rrezikojë zemrën e fëmijëve

Një studim australian, i udhëhequr nga një
shkenctar me origjinë indiane, ka gjetur që 6 vjeçarët të cilët kalojnë
pjesën më të madhe të kohës duke shikuar televizion, duke përdorur një
kompjuter ose duke luajtur video lojëra, kanë ngushtuar arteriet në sytë
e tyre – një tregues për një rrezik kardiovaskular në të ardhmen.
Studimi i parë i këtij lloji tregoi që sjelljet që kryhen gjatë
qëndrimit ulur, si koha e shikimit të televizionit, janë të lidhura me
një ngushtim mesatar prej 2.3 mikrometrave (1 mikrometër është një e
njëmilionta pjesë e metrit) në kalibrin retinal të arterieve.

Në studim, gjashtë deri shatë vjeçarët, që rregullisht morën pjesë në
aktivitete fizike kanë arteriet retinale për 2.2 mikrometra më të
gjera, në krahasim me ata fëmijë që kanë pak aktivizim.
“Ne kemi gjetur që fëmijët me një nivel të lartë të aktivitetit fizik
kishin një profil më të dobishëm mikrovaskular, në krahasim me ata me
nivelet më të ulëta të aktiviteteve fizike,” tha udhëheqësja dhe
kërkuesja në Qendrën për Rikërkim Visionar në Universitetin e Sidneit,
Bamini Gopinath.
“Kjo tregon që faktroët e stilit jo të shëndetshëm të jetës mund të
ndikojnë në mikroqarkullimin e hershëm në jetë dhe të rrisin rrezikun e
sëmundjeve kardiovaskulare dhe tensionin e lartë, më vonë gjatë jetës,”
tha ajo.
Studimi përfshiu 1,492 fëmijë në 34 shkolla fillore në Sidnej të
Australisë. Prindërit u përgjigjën në një pyetësorë me 193 çështje, duke
ofruar numrin e orëve të kaluara në çdo javë në aktivitete fizike
brenda dhe jashtështëpiake dhe aktivitetet që kryhen duke qenë ulur si
shikimi i televizionit, video lojërat, koha e leximit apo e kompjuterit.
Sipas vlerave mesatare, fëmijët kaluan 1.9 gjatë ditës duke shikuar
në ekran dhe 36 minuta në ditë në veprimtaritë e përgjithshme fizike.
Fëmijët e nivelit më të lartë të veprimtarisë fizike për vetëm një orë
ose më shumë kishin mesatarisht kalibër më të gjerë retinor se ata që
kalojnë më pak se gjysmë ore gjatë ditës.
Rritja e kohës pranë ekranit ishte lidhur me ngushtim të diametrit të
arterieve retinale, pas rregullimeve të bëra për moshën, gjininë,
kombësinë, ngjyrën e irisit, gjatësinë e bebëzes së syrit, masën e
trupit, shtypjen e gjakut dhe peshën e lindjes.
“Koha e tepruar pranë ekranit drejton në aktivitet më të vogël fizik,
zakone më të pashëndetshme për dieta dhe fitim të peshës,” tha ajo.
“Zëvendësimi i një ore në ditë të qëndrimit pranë ekranit me
veprimtari fizike mund të ishte efektive në mbushjen e efikasitetit te
veprimet që kryhen ulur në mikrovaskulaturën retinale tek fëmijët. Loja e
lirë duhet të reklamohet dhe shkollat duhet të kenë dy orë në javë të
detyrueshme në aktivitet fizik për fëmijët,” shtoi më tej ajo.
Studimi është publikuar në Arteriosclerosis, Thrombosis and Vascular Biology: Gazetë e Shoqatës Amerikane për Zemër.