Shkenca: Mos e teproni me pirje të ujit!

Deri tashti ka vlejtur rregulli që pirja e ujit ndihmon shumë te sëmundja e veshkave, lufta për zvogëlimin e peshës trupore dhe me rastin e përqendrimit. Mirëpo, tashti ekspertët tërheqin vërejtjen se tetë gota ujë në ditë mund edhe të dëmtojnë shëndetin e njeriut.

Shkencëtarët skocezë pohojnë se pirja e sasive të mëdha të ujit është e dëmshme për shëndetin tonë. Ata kanë konstatuar se rreziku nga dehidratimi paraqet vetëm një mit dhe se nuk ekzistojnë kurrfarë dëshmish që pirja e ujit ndihmon me rastin e vështirësive shëndetësore. Ata pohojnë se rekomandimet për pirje sa më të shpeshtë të ujit janë lansuar nga firmat e ujit, të cilat duan të pasurohen shpejt.

Shkencëtarë skocezë pohojnë: “Nëse do të pini ujë atëherë kur nuk jeni të etur, kjo nuk do të shtojë përqendrimin (koncentrimin) tuaj, përkundrazi, do ta zvogëlojë. Edhe materiet kimike që përdoren për dezinfektim të ujit të ambalazhuar, mund të jenë të dëmshme për shëndetin tuaj”.

Sipas këtyre shkencëtarëve, pirja e tepruar e ujit mund të sjellë pagjumësinë. Kjo për arsye se personat që pinë shumë ujë natën më shpesh zgjohen për të shkuar në WC. Ata paralajmërojnë se me rastin e pirjes së sasive të tepërta të ujit, mund të ndodhë edhe dëmtimi i veshkave. Me rastin e pirjes së tepërt të ujit trupi mund të humbë shumë kripë, gjë që mund të sjellë deri te humbja e përqendrimit në tru.

Tezën e kolegëve nga Skocia e ka mbështetur edhe profesori amerikan Stanley Goldfarb, i cili pohon se pirja e sasive të mëdha të ujit sigurisht nuk ndikon në humbje të peshës të njerëzve me mbipeshë.

Keto tallen me ne, njeri thote pi uje tjetri thot mos pi uje, ec o popull bej cte duash vet.